20 ел - журналистикада

Казандагы “Сөләйман” мәчетенең имам-хатибы, “Ярдәм” Милли ислам хәйрия фонды шурасы рәисе, “Татар-ислам.ком”, “Инфо-ислам” һәм башка мәгълүмат чараларын гамәлгә куючы Илдар хәзрәт Баязитов быел үзенең 40 яшьлек юбилеен гына түгел...

БӘЙЛЕ
2013 Фев 14
Казандагы "Сөләйман” мәчетенең имам-хатибы, "Ярдәм” Милли ислам хәйрия фонды шурасы рәисе, "Татар-ислам.ком”, "Инфо-ислам” һәм башка мәгълүмат чараларын гамәлгә куючы Илдар хәзрәт Баязитов быел үзенең 40 яшьлек юбилеен гына түгел, журналистик эшчәнлегенең 20 еллыгын да билгеләп уза.



Шушы ике дистә ел вакыт эчендә аңа гади бер хәбәрчедән (корреспондент) эре Гомумроссия мәгълүмати чыганакларын оештыру дәрәҗәсенә кадәр күтәрелү насыйп булды.



Илдар Баязитов үзенең журналистик эшчәнлеген 1993 елда Татарстанның Лениногорск каласында гади бер хәбәрче сыйфатында башлады, аннары өлкән корреспондент булды, соңрак "Новая волна” газетасының баш мөхәррире урынбасары вазифасын башкарды.



Аннары ул рухи өлкәгә күчеп, башкаладагы бер мәчетнең имамы булуга карамастан, журналистикадагы иҗади эшчәнлеген дәвам итеп кенә калмады, бәлки берничә нәшриятне гамәлгә кую дәрәҗәсенә иреште. Шул рәвешле, Казанда рус телендә "Мусульманские вести» җәридәсе (газетасы) басыла башлады, соңрак ул татарча вә русча нәшер ителүче "Ислам info” исеменә алыштырылды. Үз вакытында бу җәридә Россия мөселманнары матбугаты арасында алдынгылар сафында йөрде. Бүген Илдар хәзрәт - "Ислам инфо” Медиа-төркеменең җитәкчесе. Аңа исә "Ислам инфо”, "Татар ислам”, "Зурказан” кебек дини һәм дөньяви мәгълүмати агентлыклар, "Большая Казань» журналы, «Восточный маркет” газетасы керә.



Илдар хәзрәтнең бигрәк тә Россиянең мөселманнар журналистикасын торгызуга керткән өлешен билгеләп узу мәслихәт. Соңгы елларда ул журналистикадагы тәҗрибәсен әһле ислам мәнфәгатьләрен кайгыртуда файдалана. Ул һәрвакытта үз ММЧлары эшендә шәхсән катнаша. Илдар хәзрәт гамәлгә куйган матбугат чараларында күп кенә мөселман журналистлары иҗади эшчәнлеген башлады, алар бүгенге көндә башка матбугат чараларында эшләвен дәвам итә.



Татарстан Журналистлар берлеге әгъзасы буларак, Илдар Баязитов җөмһүриятебезнең каләм ияләре даирәсендә киң танылу алды. Ул Россиядә исламның хәзерге үсеш баскычлары, татар халкының традицион кыйммәтләре турында уйланып һәм аларга тирән анализ ясап, актив рәвештә мәкаләләр яза.



Шунысын да билгеләп узу мәслихәт: иҗади сәләт аңа балачактан ук бирелгән. Илдар Баязитов яшүсмер чагыннан ук үзенең хикәяләрен, мәсәл һәм шигырьләрен шул чорның төрле газеталарында бастыра.



Бүгенге көндә Илдар хәзрәтнең сайтта үз блогы бар, кызыксынучылар аның иҗаты белән шунда тәфсилле рәвештә таныша ала.



"Татар-ислам.ком” агентлыгы хезмәткәрләре Татарстан Журналистлар берлеге әгъзасы, күп мәгълүмати чараларга нигез салучы һәм аларны гамәлгә куючы Илдар хәзрәт Баязитовны бу күренекле вакыйга белән ихлас күңелдән котлый, Аллаһыдан аңа тагын да югарырак иҗади үрләр яулау насыйп булсын дип сорый.

Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2021 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе