Ел башында Татарстанда 30 градус салкыннар көтелә.

Бүген, узып баручы елның соңгы көнендә, Татарстанда алмашынучан болытлы һава, урыны белән бераз кар. Төньяк-көнчыгыштан салмак җил, дип хәбәр итә ТР Гидрометеорология һәм әйләнә-тирә мохитне күзәтү идарәсе.
Иртәгә 1 гыйнвар көнне, төнлә һәм иртән температура 14-19 градус салкын тәшкил итә, аязганда – 25 градуска кадәр, республиканың көнчыгыш районнарында 30 градуска кадәр салкын булачак. Көндез 12-17 градус салкын, көнчыгышта – 22 градуска кадәр. Юлларда – бозлавык.
Иртәгә Казанда шулай ук алмашынучан болытлы һава, температура 15-17 градус салкын.
2 гыйнварда Татарстанда алмашынучан болытлы һава, температура 18-23 градус салкын, аязганда температура 25-30 градуска кадәр түбән төшә, юлларда – бозлавык.