Быелгы Изге Болгар җыены программасы бик бай

19 июньдә республиканың Спас районы җирлегендә урнашкан Болгар шәһәрчегендә Изге Болгар җыены уза. Быел бу чара Ислам кабул итүнең 1121 еллыгына багышлана. Болгар җыенын оештыруда

БӘЙЛЕ
2010 Июн 15

19 июньдә республиканың Спас районы җирлегендә урнашкан Болгар шәһәрчегендә Изге Болгар җыены уза. Быел бу чара Ислам кабул итүнең 1121 еллыгына багышлана.

Болгар җыенын оештыруда Россия мөселманнары Үзәк Диния нәзарәте, ТР Мәдәният министрлыгы, Бөтендөнья татар конгрессы Башкарма комитеты, ТР Диния нәзарәте, ТР Министрлар Кабинеты карамагындагы Диннәр эшләре буенча идарә катнаша.

Билгеле булганча, Изге Болгар җыены болгарларның Ислам динен рәсми төстә кабул итүе уңаеннан уздырыла. Әлеге истәлекле дата 1989 елдан бирле билгеләп үтелә.

ТР мөселманнары Диния нәзарәте хәбәр иткәнчә, 19 июньдә Болгарда яңа мәчет нигезенә таш салу, Кече манара янында чаралар, аннан соң өйлә намазын уку көтелә.

Болгар дәүләт тарихи-архитектура музей-тыюлыгы базасында шулай ук 19-21 июнь көннәрендә борынгы болгарлар тарихын өйрәнү буенча халыкара фәнни форум уза. Форумда борынгы болгарларның материаль һәм рухи мәдәнияты, аларның килеп чыгышы, үсеше һәм тышкы элемтәләре белән бәйле мәсьәләләр каралачак. Анда Украина, Болгария, Венгрия, Израильнең Россиядәге рәсми вәкилләренең катнашуы көтелә.

Быел Изге Болгар җыенына барырга теләүчеләр өчен мәчетләрдән автобуслар оештырыла, дип хәбәр итә «Татар-информ».


Комментарийны калдырыгыз
avatar

Июл 29
Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе