Тик Исламда ачып бирелгән

Габделхай Биктимеров

Аллаһка ышанганнар аз түгелләр;
Бик күп алар, җитәрлек бүген.
Озакламый бар да кабул итәр
Җир йөзендә Ислам динен.

Галимнәрнең ачышларын алсак,
Алар Коръән белән бәйләнгән.
Аллаһының дөрес канунарына
Пәйгамбәребез безне әйдәгән.

Бер – береңә чиксез яхшылык кылу,
Йөрәктән үтәү Аллаһ сүзләрен –
Нинди бөек савап булганлыгын
Коръән ачты безгә серләрен.

Кешегә биргән акылның да чиге –
Гыйбадәт кылу тик бер Аллаһка.
Бу акылга ирешкән һәрбер кеше
Иң бәхетле якты дөньяда.

Раббым, Син кушканнарның барын
Намус белән җирдә үтәдем.
Шундый сүзләр белән барыбызга да
Кыямәт көненә җитү теләгем.

Бу дөньяның, чиксез гүзәллеге –
Җәннәтнең бер гади чәчәге.
Яшәп калыйм диеп ашкынмагыз:
Алда һәркемнең бар күрәчәге.

Кылган эшләреңә җавап бирү,
Кире кайту киткән җиреңнән:
Аңлаешлы, тулы, дөрес итеп,
Тик Исламда ачып бирелгән.