«Безнең типография күрмәүчеләр өчен дә Брайль шрифты белән китаплар бастыра. Аларның да ислам динен өйрәнергә хакы бар. Әлеге китапларга ихтыяҗ зур. Без күрмәүче мөселман кардәшләребезгә әлеге китапларны бушка таратабыз. Спонсорларны үзебез табабыз», – дип сөйли ул. 

"Ярдәм" типографиясендә Тәҗвид, Мөгаллим сани кебек тагын бик кхп сандагы китаплар төртмәле итеп басыла. Алар гадәти басма китапларыннан аермалы буларак, күләме буенча ун мәртәбә артып китәргә мөмкин.  Әйтик Тәфсир калын ун томнан тора.  Чөнки төртмәле Брайль әлифбасы  бик күп урын алып тора.