Көз – ул муллык!

Ел дәвамында адәм балалары гомер-гомергә җиләк-җимеш, яшелчә үстерә..

Һәрбер булган малыбыздан без өлеш чыгарабыз.
Бу хакъта, «Сыер» сүрәсенең 267нче аятендә: «И, мөэминнәр! Кәсеп итеп тапкан малларыгыздан һәм Без сезнең өчен җирдән чыгарган уңышлардан яхшысын Аллаһы күрсәткән урыннарга бирегез!..» – диелә.

Ризыктан өлеш чыгару - ул Гошер сәдакасы диеп атала. Гошер бирүнең үз кагыйдәләре бар һәм аның берсе, алынган (үстерелгән уңышның) уннан бер өлеше диеп санала. Ә димәк, бу сәдака көз айларында ешрак бирелә, әмма бу башка вакытта гошер сәдакасы бирелергә тиеш дигән фикергә китермәсен. Чөнки сәдака бирүнең аерым вакыты юк.

Безнең табигать шартларында, уңышны берничә тапкыр алу мөмкинлеге бар. Шуңа да, алган уңышны сәдака берничек тә киметми ә киресенчә бәрәкәтен арттыра.

Элекке заманнардагы төсле үк, хәзерге вакытта да: мохтаҗлар, ятимнәр, ялгыз калган яисә рәнҗетелгән кешеләр бихисап.

Изгелек кылырга мөмкинлекләр күп. Ярдәм ислам милли хәйрия фонды Сезгә мондый кешеләр белән элемтәне тотарга булышырга һәрвакыт әзер.