БЕР МӨНӘҖӘТ

КАРДӘШЛӘРЕМ ӘЙТИМ ӘЛЕ БЕР МӨНӘҖӘТ:
КҮҢЕЛЕГЕЗ ИЗГЕ БУЛСА ТОРМЫШ- ЛӘЗЗӘТ.

СИҢА НАЧАР ЭШЛӘСӘЛӘР - ИТ ИЗГЕЛЕК,
АЛЛАҺЫДАН КҮРЕРСЕЗ СЕЗ - ТИК ИГЕЛЕК.
-—

ТУПАС ТЕЛЛЕ КЕШЕЛӘРНЕ ХАЛКЫМ СӨЙМӘС!
БИСМИЛЛАСЫЗ БӘНДӘЛӘРГӘ КУЛЫН СУЗМАС!

АЛЛАҺЫДАН ЯРДӘМ СОРАП, БАШЛАР ЭШЕН.
ИМАНЫНА ТАП ТӨШЕРМӘС- УКЫР КОРЬӘН.
-—

ДӨНЬЯЛЫКТА ЯШИК ДУСЛАР ТЫЙНАК КЫНА,
БАРЫБЫЗ ДА БЕЗ БИТ МОНДА КУНАК КЫНА.

БАСКАН ҖИРДӘ ҮСЕП КАЛСЫН ЧӘЧКӘ-ГӨЛЛӘР!
БӘХЕТ БЕЛӘН, ШАТЛЫК БЕЛӘН ҮТСЕН КӨННӘР!
-—

ИКЕ ДӨНЬЯ БӘХЕТЕНӘ ИРЕШЕРГӘ ,
ДОГА КЫЛЫП МӘЧЕТЛӘРГӘ ЙӨРЕШЕРГӘ!

ЯЗСЫН ИДЕ, И БЕР АЛЛАҺ БИР СӘГАДӘТ,
МОХТАЖЛАРГА АВЫРУЛАРГА БИР СИН СИХӘТ!
----—

АЛСУЛАНЫП БӘХЕТ БЕЛӘН ТАҢНАР АТСЫН,
САНДУГАЧЛАР ЧУТ ЧУТ САЙРАП КАНАТ КАКСЫН!

БЕЗНЕҢ ГОМЕР БЕР МИЗГЕЛ УЛ ЯШӘП КАЛЫЙК
ИЗГЕ ГАМӘЛЛӘР БАШКАРЫП САВАП АЛЫЙК!