Йөрәгендә – кайнар Йосыф рухы

Шушы көннәрдә генә Татарстан мөфтиенең беренче урынбасары, Голәмәләр Шурасы рәисе, «Кол Шәриф» мәчетенең имам хатибы Рамил хәзрәт Юнысның «Йосыф

БӘЙЛЕ
2010 Июн 05

Шушы көннәрдә генә Татарстан мөфтиенең беренче урынбасары, Голәмәләр Шурасы рәисе, «Кол Шәриф» мәчетенең имам хатибы Рамил хәзрәт Юнысның «Йосыф пәйгамбәр хикмәтләре» дигән 185 битле китабы дөнья күрде. Рамил хәзрәт анда Коръәндәге «Йосыф» сүрәсенә шактый ук киңәйтелгән рәвештә аңлатма бирә, ягъни тәфсир кыла.

Автор үзенең әлеге хезмәтендә моннан 3000 еллар элек Йосыф пәйгамбәр башыннан кичкән вакыйгалар, хәлләрне хәзерге заман яссылыгыннан чыгып бәяли .Мәккәдә иңгән, 111 аятьтән торган бу сүрә изге китапның иң гыйбрәтле, мавыктыргыч һәм гүзәл кыйссаларының берсе санала.

«Сез Коръәнне тәфсир кылуыгызны ни өчен «Йосыф» сүрәсеннән башларга булдыгыз?» дигән соравыма, Рамил хәзрәт: «Беренчедән, «Йосыф»сүрәсе Коръәндә тулы бер кыйсса буларак килә. Икенчедән, кешенең монда бөтен тормышы, шунда булган барлык халәтләре яктыртылганга күрә, хәтта ислам дине белән яңа таныша башлаган кеше дә бу сүрәнең тәфсирен укып чыккач, дингә, Коръәнгә, пәйгамбәрләргә мәхәббәте уяныр дип уйлыйм. Аннары кешене борчыган сораулар да бар бит әле. Ул бу кыйссаны укыганда үзенең күп кенә сөальләренә жаваплар табарга мөмкин, чөнки Йосыф галәйһиссәләмнең тормышында авырлыгы да, җиңеллеге дә, фетнә дә, төрмә дә, дуслык та, дошманлык та, ялгызлык та, көнчелек тә бар. Кеше күңелендәге күп сорауларга җавап табарга, дингә мәхәббәт тәрбияләргә ярдәм иткәне өчен дә мин иң беренче шушы кыйссаны тәсдыйк кылырга булдым», – дип җавап бирде.

Рамил хәзрәт Юныс әле бу сүрәне тәфсир кылу белән тукталып калмаячак икән. Ул «Хөҗүрәт» («Бүлмәләр»), «Каф», «Ясин», «Тәбарәк», «Рахмән», «Нур» һәм башка сүрәләрнең аңлатмалы тәрҗемәсен дөньяга чыгарырга нияте барлыгын да әйтте. Аңа исә «Аллаһының рәхмәтендә булыгыз» диясе һәм бу изге эшендә уңышлар телисе генә кала.

Хаҗип ӘХМӘТША


Комментарийны калдырыгыз
avatar

Июл 29
Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе