Тартмамдагы иконамны нишләтим?

Мине борчый торган ике сорауга җавап бирсәгез иде. 1. Үземне белгәннән бирле, әти белән әни әллә ни аңлатмасалар да, Аллаһка ышанып яшим. Мин Аның белән

БӘЙЛЕ
2011 Ноя 23

Мине борчый торган ике сорауга җавап бирсәгез иде.

1. Үземне белгәннән бирле, әти белән әни әллә ни аңлатмасалар да, Аллаһка ышанып яшим. Мин Аның белән үземчә аралашып, барлыгын сизеп яшәдем һәм бу миңа җитә иде. 13 яшемдә мине әни чукындырырга теләде (әнием — татар, әтием — рус). Христиан дине турында мин ул вакытта әз белә идем, Ислам хакында исә берни белмәдем. Әниемнең теләгенә каршы килмәдем. Миңа Ксения дигән исем бирделәр, тәре, икона алдылар. 7 ел узгач, булачак ирем белән таныштым. Ул миңа Исламны аңлатты. Шулчак минем өчен яңа дөнья ачылгандай буды. Һәр ел саен иманым, ышанум арта барганын тойдым. Исламда мин үземне борчыган барлык сорауларга җавап табам. Моннан тормышым да күпкә җайланды һәм яшәве дә тынычрак, рәхәтрәк булды. Ләкин тартмамда тәре белән, икона ята. Нишләтергә икән аларны? Алар бары тик әйберләр генә булуын аңлыйм, тик ташларга да кулым бармый. Үземдә тотарга да кирәк түгеллеген беләм.

2. Икенче соравым исемем белән бәйле. Мин аны үзгәртергә теләр идем. Ләкин сез аның мәгънәсе уңай булган очракта, моны эшләүнең кирәге юк, дип әйтәсез. «Оксана», «Ксения» грек теленнән тәрҗемә иткәндә «ят, чит ил кешесе» дигәнне аңлата. Чиркәүдә бу исемне изгеләр хөрмәтенә кушалар. Бу исем, минемчә, холкыма туры килми. Бәлки миңа аны алмаштырыргадыр? Оксана.

Җавап: 1. Аларны чиркәүгә илтегез. 2. Исем без аны уңышсызлыкларда сәбәпче дип уйлый башлаганчы, безнең тормышыбызга тәэсир ясамый.Әгәр дә инде үзгәртәсегез килсә, сез моңа хаклы.


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе