Фарыз намазында имам артыннан кабатларга ярыймы?

Намазга дип билгеләнгән вакытның яртысы узганнан соң укылган намаз фарызны үтәү генә булып санала, ә аңа савап намаз азан әйтелгәч тә укылса гына тулысынча языла, кичектереп

БӘЙЛЕ
2011 Сен 13

Намазга дип билгеләнгән вакытның яртысы узганнан соң укылган намаз фарызны үтәү генә булып санала, ә аңа савап намаз азан әйтелгәч тә укылса гына тулысынча языла, кичектереп укылганда савап кими диләр. Дөресме бу?

Намазга дип билгеләнгән вакыт кысалары бу гыйбадәтне төрле вакытта уку мөмкинлеге бирә. Әмма Пәйгамбәребезнең (с. г. в.) хәдисләреннән күренгәнчә, намаз укуның иң хәерле вакыты булып, аның вакыты керүгә җәмәгать белән укылганы санала. Бу очракта, әгәр сез намазны дөрес укымаганлыгыгызны белсәгез, аны яңадан укырга да вакыт кала. Дөрестән дә, кичектереп укылган, ләкин вакыты чыкмаган намаз өчен савап кими, чөнки мөселман кешесе гадәттә аны вакыты керүгә укый. Ә намаз җитди сәбәпләрләрдән тыш, соңга калып укылса, кешегә Аллаһының бүләге дә ниятенә, тырышлыгына карап бирелә.

Фикһ китапларында җәмәгать белән укылган намаз вакытында имам артыннан кешегә ишетелерлек итеп тә, үз эчеңнән дә кабатларга ярамый диелгән. Бу 3-4 рәкәгатьле фарыз намазлары вакытында, 2 рәкәгатьле намазларда «Фатиха»ны укымаска, дәшмичә генә торырга дигәнне аңлатамы?

Әйе, хәнәфи мәзһәбе буенча җәмәгать белән укыла торган намазларда имам фарыз намазларын кычкырып укыса да, укымаса да, аның артыннан кабатларга кирәкми. Ник дигәндә, аның кылган гыйбадәте сезнең кылган гыйбадәтегез булып санала.

Сорауларга Габдесабур ХӘЙРЕТДИНОВ җавап бирде


Комментарийны калдырыгыз
avatar

Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12
Май 09
Май 09

40 тартма
Дин
Мәкаләләр


Вакыйга











Әңгәмәләр
© 2009-2023 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе