Сукыр кеше янында яулыкны салу

Сорау: Күрмәгән кеше янында яулыкны салырга буламы?

Җавап: Хатын-кыз хиҗабын күрмәгән кеше янында сала ала. Пәйгамбәребез (с.г.в.) Фатима бинт Каиска гыйддәсен (ир үлгәннән соң үткәрелә торган гамәл) Өмме Шәрик өендә үткәрергә куша. Әмма, бераздан ул кире уйлап:

«Бу өйдә минем сәхабәләрем җыела, шулай булгач, син Ибн Өмме Мактума йортында кал, чөнки ул — сукыр һәм син хиҗабыңны сала аласың» (Мөслим), диде. Икенче бер хәдистә: «Әгәр дә синең өс-башың капланмаган икән,ул сине күрмәячәк» диелә.

Шәехә ибн Усейменнан: «Күрмәгән галим каршында хатын-кыз ничек киенеп йөрергә тиеш?»-дип сораганнар. Ул: «Күрмәгән галим каршында хиҗабсыз йөрергә рөхсәт, чөнки Пәйгамбәребез (с.г.в.) Фатима бинт Каиска Ибн Умм Мактума йортында гыйддәтеңне үткәр, чөнки ул — сукыр, һәм син хиҗабсыз йөри алырсың»,- дигән.

Шәех Салих әл-Фәүзан: «Хатын-кыз сукыр ир-ат каршында хиҗабсыз йөри ала һәм бу дөрес гамәл булып санала»,- дигән.