Әниләр көненә

Иий аналар! Нинди бәхетле без,
Кулларыбыз бала исендә.
Елмаябыз, җиргә нурлар сибеп,
Көч биргәнгә бала яшәргә.
Иий әниләр! Шундый ягымлы без,
Пар канатлар булгач иңнәрдә.
Без меңләгән төнне булдырабыз
Күз йоммыйчан бишек көйләргә.
Иий аналар! Сез килешәсездер
Нинди тәмле кызың чәй бирсә.
Батыр улың: “Әнкәй кайттым!”, - диеп
Ишек ачып түр якка үтсә.
Иий әнкәйләр! Иркен җанлы бит без,
Күп оныклар сыя итәккә.
Тик шуңардан бераз моңсу була
Бәсләр сара көздә чәчләргә.
Иий аналар! Бәйрәм белән Сезне,
Тәбрикләүгә лаек һәркемдә.
Саулык телим, бетмәс сөенечләр,
Тулы гаилә булып яшәргә.

Лилия Сәлахетдинова