«Мең дә бер кичә»гә каршы суд эше ачылмады

Мисырның баш прокуроры Габдел Мәгид Мәхмүд «Мең дә бер кичә» әкиятен бастырып чыгаручыларга каршы суд эше кузгатудан баш тартты. Чөнки моның нигезе юк, дип белдерә ул. Агымдагы

БӘЙЛЕ
2010 Июн 09

Мисырның баш прокуроры Габдел Мәгид Мәхмүд «Мең дә бер кичә» әкиятен бастырып чыгаручыларга каршы суд эше кузгатудан баш тартты. Чөнки моның нигезе юк, дип белдерә ул.

Агымдагы елның апрелендә бер төркем мөселман хокук белгечләре «Мең дә бер кичә» әкиятләрен җыеп бастыручыларны судка бирде. Аларның таләбе буенча әлеге җыентыкның барлык тиражы сатудан алынырга тиеш иде. Хокук белгечләре фикеренчә, әлеге җыентыкта шәригать кануннарына туры килми торган әсәрләр дә кертелгән. Аларда оятсызлык, зина кылу сурәтләнә, әкият геройлары дингә каршы килә торган әңгәмәләр алып бара, дип белдерә алар.

Әмима Генпрокуратура әлеге шикаять буенча суд эше кузгатмады. Баш прокурор: «Бу әкиятләр халык мирасы һәм аларны сатудан алырга түгел, ә киресенчә яхшылабрак өйрәнергә кирәк», - дип белдерде. Иң беренче булып, әкиятләрне Мисыр Язучылар берлеге яклап чыккан иде.

«Мең дә бер кичә» җыентыгына гарәп телендәге бик күп риваятьләр, әкиятләр, хикәяләр тупланган. Аларның авторы төгәл билгеле түгел. Әлеге җыентыктагы әсәрләр ислам цивилизациясенең чәчәк аткан дәверен сурәтли. Анда урта гасырлардагы Багдад, Басра, Каһирә кебек шәһәрләр белән бәйле вакыйгалар турында язылган.


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе