Татарстан мөфтие хаҗ мәсьәләләрен таможня вәкилләре белән тикшерде

Узган шимбәдә ТҖ МДНдә мөфти Камил хәзрәт Сәмигуллин Татарстанның таможня хезмәте вәкилләре белән очрашты.

Мөфти белән очрашу вакытында таможня җитәкчесе Альберт Мәүликов, аның урынбасары Максим Чмора, Казан аэропорты таможня посты җитәкчесе Ленар Сәлимҗанов, "ДУМ РТ ХАДЖ» программасы башлыгы Руслан Нәфисуллин бар иде.

Әңгәмә барышында сәфәргә чыккан хаҗиларның дәүләт чикләрен узганда таможня контролен җиңеләйтү һәм киләчәккә ышаныч белән карау мәсьәләләре тикшерелде.

Мөфти янында очрашу узганнан соң, Татарстан таможнясының "ДУМ РТ ХАДЖ» программасы җитәкчеләре һәм табиблары белән очрашуы булып узды. Альберт Мәүликов Татарстан таможня хезмәтенең үзенчәлекләре турында сөйләде, шул ук вакытта биредә "ДУМ РТ ХАДЖ» табибларына кирәкле даруларны һәм медицина җиһазларын йөртү мәсьәләләре каралды.

"Ведомстволарның тыгыз хезмәттәшлеге нәтиҗәсендә без күп кенә мәсьәләләрнең вакытын озайтуга ирештек. Хаҗиларыбыз турында кайгыртучанлык күрсәткәннәре өчен без Татарстан Таможнясы вәкилләренә рәхмәтебезне белдерәбез”,-дип билгеләп узды очрашу вакытында Руслан Нәфисуллин.