Россия балы һәм сарык ите куркынычлы булырга мөмкин

«Ридус» агентлыгыннан алынган хәбәрләргә караганда, үзебездә барлыкка килгән ризыкларда, импорт белән чагыштырганда,«Россельхознадзор» тарафыннан күбрәк тыелган әйберләр табыла башлаган. Мондый хәлнең элек булганы юк иде. Балда нитрофуран метаболиты, ә сарык итендә диоксин барлыкка килгән.

"Россельхознадзор» илдә җитештерелгән ризыкларның куркынычлы була башлавына борчылу белдергән.

"Без импорттан китерелгән ризыкларга караганда, үзебездә җитештерелгәннәрендә күбрәк тыелган әйберләр табарга керештек. Мондый хәлнең элек беркайчан да булганы юк иде”,-дигән "Россельхознадзор» җитәкчесе Сергей Данкверт.

Аның сөйләвенчә, Россиядә җитештерелгән балны тикшергәндә, анда 30 % нитрофуран метаболиты табылган. Бу исә умарта кортларын дәвалаганда һәм ашатканда дөрес эшләмәүнең нәтиҗәсе, дип билгеләп узган белгеч. Тик ул куркынычлы бал табылган төбәкне атамаган, мәгълүматларны тагын бер кат тикшергәннән соң, матбугатта бастырырга вәгъдә кылган.

"Россельхознадзор» башлыгы хәбәр итүенчә, үзебездәге 100 % сарык бавырлары үрнәкләрен тикшергәннән соң, аларда тиешле дәрәҗәдән арткан диоксин табылган.

"Без бөтенесен дә тикшерәчәкбез, боларның каян килүен һәм алар гомуми хәлне күпме чагылдыруын белү мөһим. Әлегә нибары 10 проба алдык, ә тикшеренү репрезентатив булырга тиеш”, - дигән Сергей Данкверт һәм ул болан бавырында да шундый ук тыелган әйберләр табылуы хакында белдергән.

"Россельхознадзор» башлыгы аның оешмасы тикшеренү вазифасын гына башкаруы турында борчылу белдереп әйткән, аның төбәктәге ветеринар хезмәтләргә тәэсир итүгә мөмкинлеге юк икән.

"Бездә шундый төбәк бар: без аларга ризыкның куркынычлы булуы турында 1200 хат яздык, ә күрелгән чаралар хакында бернинди җавап алмадык. Ә бу төбәк - Төньяк башкала»,-дип хәбәр итте Сергей Данкверт.

«Интерфакс” Данквертның төбәкләрдәге ветеринар хезмәтләргә алар биләмәсенә кергән ризыкларга мониторинг үткәрмәүгә җитди гаеп ташлавын хәбәр итте.