Психологик тренинглар, мастер-класслар яшьләрне гаилә кыйммәтләре турында уйланырырга этәрер дип өметләнәбез - А.Биктимерова

Шул уңайдан форумның махсус кунаклары – Пәйгамбәр ﷺ нәселе дәвамчылары - Мароккода гомер итүче, галим Габдерәхим Ләкрим һәм Болгар ислам академиясе профессоры Габдерразак Сагъди чакырылды. Билгеле, Россиядән килгән дин әһелләре белән дә очрашулар булачак, дип хәбәр ителде.

- Мөхәммәд Пәйгамбәр ﷺ гаилә кыйммәтләренә бик олы хөрмәт белән караган кеше булган, шуңа күрә форум алдында, гыйльми максатлардан тыш, катнашучыларда гаиләгә карата хөрмәт тәрбияләү мәсьәләсе куелды, - диде ТР мөселманнары Диния Нәзарәтенең яшьләр белән эшләү бүлеге җитәкчесе Айгөл Биктимерова. – Һәртөрле психологик тренинглар, мастер-класслар һәм дәресләр яшьләрне гаилә кыйммәтләре турында уйланырырга этәрер дип өметләнәбез. Сүз уңаеннан, берничә шундый форум нәтиҗәсендә катнашучылар арасында инде 8 никах теркәлгән! Быел да бездә гаиләләре белән теркәлгән катнашучылар бар. Без аларны махсус тәрҗрибә белән уртаклашсын өчен чакырдык.

Боларга өстәп, оештыручылар быелгы форум программасына спорт дәресләре кертелгән. Егетләр һәм кызларның джиу-джитсу буенча махсус мастер-класслар алырга мөмкинлеге булачак. “IV мөселман яшьләре форумы яшьләргә рухи, гыйльми һәм физик камиллеккә ирешүгә таба бер баскыч булачак”, - ди Татарстан мөфтие Камил хәзрәт Сәмигуллин.Бу хакта мөфтиятнең матбугат хезмәте хәбәр итә.