“Ярдәм” тернәкләндерү үзәгендәге курсларга килгән Балтач кызы Чулпан Гаделганиева Россия чемпионы булды

Күптән түгел генә Волгоград шәһәрендә мөмкинлекләре чикләнгән спортчылар өчен шашка-шахмат буенча Бөтенроссия чемпионаты узды. Бирегә 29 төбәктән командалар җыелган иде.

“Ун көн дәвамында барган ярышта шашка уйнап уңышлы нәтиҗәләр белән туган якка сөенеп кайтырга насыйп булды. Мин хатын-кызлар арасында I урын яуласам, Татарстан командасы, 3 нче урынга ия булып, кубок һәм диплом белән бүләкләнде”, - дип хәбәр итте Ч.Габделганиева. Ул спорт мастеры нормасын үтәп кайткан.

Аның ярыштан район башкарма комитеты җитәкчесе урынбасары Илһам Гайнетдинов һәм Яшьләр эше һәм спорт бүлеге җитәкчесе Рөстәм Заһидуллин, Норма авылы җирлеге рәисе Тимур Гатауллин, тренер Фагыйль абый Гайнетдинов, бертуган Гөлшат апасы зурлап каршы алды.

Римма Гатина.