Изге җомга көннәре мөбарәк булсын, кадерле дин кардәшләр! Авыру кардәшләребезнең хәлен белик!

Авыру хәлен белергә баргач, үтәлергә тиешле кагыйдәләр.

1) Керер алдыннан, салмак кына ишек кагып, рөхсәт сорарга кирәк.

2) "Кем анда?" дигән сорауга: "Мин", - дип җавап бирмәскә, исемеңне әйтергә кирәк.

3) Ишек шакыгач: "Керегез", - дисә, керәсез. Әгәр ишек бикле булып: "Хәзер", - дисәләр, туп-туры ишек ачыла торган уранга басмыйча, читкәрәк китеп, көтеп торырга кирәк.

4) Хәл белергә килгән кешегә озак утырмаска!

5) Авыруга, интектереп, күп сорау бирмәскә.

6) Авыруның хәлен уртаклашырга.

7) Авыру өчен шифа сорарга.

8) Авыру кешедән үзең өчен дога кылырга сорарга.

9) "Кирәк-ярагы, берәр нәрсәгә мохтаҗ түгелме?" - дип сорарга.

10) Авыру кешегә сабыр булырга кирәк. Аллаһы Тәгаләдән шифа сорап дога кылу һәм шифалану.