Энергияне янга калдыручы лампа яман шеш китереп чыгарырга мөмкин

livesmi.com агентлыгыннан алынган хәбәрләргә караганда, Стоуни-Бруктагы (Нью-Йорк штаты) университет галимнәре энергияне янга калдыручы лампаның кеше организмына тәэсирен белү өчен берничә тикшерү үткәргәннән соң, аның адәм сәламәтлегенә зарарлы булуы турындагы нәтиҗәгә килгәннәр.

Тикшерүчеләр лампаның ике төре – энергияне янга калдыручы һәм гадәтиләренең кеше тиресе күзәнәкләренә тәэсирен тикшереп, чагыштырып карадылар. Моның өчен эксперимент үткәрелеп, тере күзәнәкләргә электр нуры җибәрелде. Шунысын билгеләп узу мәслихәт: экспериментта тере кешеләр катнашмады. Биредә энергияне янга калдыручы лампалардан төшкән нурларның тирегә зарары зур икәнлеге ачыкланды. Шул ук вакытта гадәти лампаның тере күзәнәкләргә бернинди дә зыяны юк икәнлеге мәгълүм булды.

Стоуни-Брук университеты дерматологы Марсия Саймон энергияне янга калдыручы лампадан төшкән нурлар хәтта яман шеш китереп чыгарырга мөмкин дип исәпли. Бу фәнни тикшеренү басылганнан соң, аңа энергияне янга калдыручы лампаларны җитештерүчеләр лампа зыянсыз дип, үз фикерен белдерде инде. Лампаны җитештерүчеләр белдерүенчә, аннан чыккан ультрашәмәхә нурлар дәрәҗәсе кеше тәне өчен зарарсыз.