Буа халкы Миграҗ кичәсен күркәм мәҗлес белән каршы алды

Чараны авыл имамы Коръән сүрәләрен укып башлап җибәрде һәм мәҗлескә килгән балаларның дини шигырьләре, Пәйгамбәребезгә ﷺ багышланып әйтелгән салаватлары белән дәвам итте.

Кичә барышында мәчет каршындагы курсларга йөрүче шәкертләр Мигъраҗ төне турында сөйләде, әлеге вакыйгага багышланган аять һәм хәдисләр белән таныштырды. Авыл абыстае Гөлгенә Гыйләметдин кызы мәхәллә халкын мөнәҗәтләр укып сөендерде.

“Хаҗилар” мәчетенең икенче имамы Шамил хәзрәт Вәлиуллин үзенең чыгышында Мигъраҗ кичәсенең фазыйләтләре турында бәян итте. Ошбу мәҗлесне үткәргән Баһаветдинова Дөлфидә ханымга һәм Илдус хәзрәт Әсәдуллинга Буа мөхтәсибәте исеменнән олы рәхмәтләрен җиткерде.

Җыелыш дога кылып тәмамланды.