Коръәнне сатарга рөхсәт ителәме?

17 нче гасыр белән тамгаланган, кулдан язылган Коръәнне автомобиль, җир кишәрлеге яки авылдагы йортка алмаштырырга әзерләр иде. Тиредән эшләнгән тышлыктан икенче Коръән 1884 елда чыккан.

 "Коръәнне сатарга рөхсәт ителәмени?" дигән сораулар булды.

 Әби-бабайларыннан мираска калган Коръәннәрнең бәясе ун, йөз меңнән миллион сумга кадәр тирбәлә. Бер игъланда игъланда Коръәннең бәясе 5 млн. сумга бәяләнгән иде. Бәяләр Изге китап басмасының чыккан (күчереп язылган) елына һәм сакланышына карап үзгәрә.

Мәсәлән, "1750 елгы фарсы телендәге сирәк очрый торган кулъязма Коръән" дигән игъланны Иркутскидан Алла исемле кеше куйган булган. Бәясе 4 млн. сум. "Борынгы Коръән. Иске Коръәннәр сатам. 18-19 нчы гасыр. Бабам әфәндедән калган мирас. Яхшы сакланган. Сатып алыр алдыннан карап була" дигән игълан хуҗасы Краснодардан Светлана. Ул бабасы мирасын 100 мең сумга бәяләгән.

Интернетта Коръән сату турында игъланнар, хәтта тулы бер сайтлар бар икән. Бәяләре 5 млн. сумга кадәр. Чыккан елына карап.

Бу Коръәннәр аларга нәселдән нәселгә мирас булып калган дигән. Коръәнне сату рөхсәт ителәме?  

Әйе, рөхсәт ителә. Дәлилләр нинди? Хәләл әйбернең хәләллегенә дәлил кирәкми. Берәр әйбер яки эш Коръәндә яки хәдистә тискәре искә алынмый икән, димәк, ул хәләл эш яки әйбер. Коръән сату гына түгел, мисал өчен Коръән укырга өйрәткән өчен эш хакы таләп итү күркәм гамәл буларак шәригать китапларында искә алына.