Рәфыйк Мөхәммәтшин РИИ ректоры булып сайланды

Бүген Россия ислам институтын гамәлгә куючылар советы утырышы үткәрелде.

БӘЙЛЕ
2017 Фев 20. Фото:dumrt.ru

Җыелышта ТР МДН рәисе, мөфти Камил хәзрәт Сәмигуллин, Россия Мөфтиләр советы вәкиле Шамил Кашаф, ТР Фәннәр академиясенең Ш.Мәрҗани исемендәге Тарих институтының иҗтимагый фикер һәм ислам өйрәтүләре бүлеге җитәкчесе, тарих фәннәре кандидаты Дамир Шаһавиев катнашты.

Белгәнебезчә, РИИ Уставы буенча институт ректорын учредительләр советы билгели. Бүген утырыш барышында сүз Рәфыйк Мөхәммәтшинны РИИ ректоры вазыйфасына кабат сайлау турында барды. Бу тәкъдим бертавыштан хупланды. Шулай итеп, Рәфыйк Мөхәммәтша улы Мөхәммәтшин 5 елга ректор итеп сайланды.

Шулай ук җыелышта катнашучылар институтның 2016 елдагы эшчәнлегенә нәтиҗә ясадылар.

Җыелыш алдыннан Татарстан мөфтие Камил хәзрәт Сәмигуллин, нәзарәт вәкилләре Россия мөселманнарына дистә еллар дәвамында динебез үсеше өчен зур тырышлык куючы галим, остаз, зыялы, мөхтәрәм шәхес буларак билгеле Рәфыйк Мөхәммәтша улын 19 февральдә узган туган көне белән тәбрикләделәр.

Камил хәзрәт, Рәфыйк хәзрәтне котлап: "Иманлы, динле һәм нык рухлы булырга чакырып кылган күркәм гамәлләрегез безгә дини эшчәнлек алып баруда үрнәк булып тора. Динебез, республикабыз һәм халкыбызның алгарышы өчен куйган хезмәтегез өчен Аллаһы Тәгалә үзегезне, гаиләгезне, туганнарыгызны нигъмәтләре белән куандырып торсын, җан тынычлыгы бирсен! Эшләрегезне уң кылып, изге гамәлләрегезнең әҗер-савапларын мулдан бирсен! Раббыбызның чиксез рәхмәтенә, дөнья-ахирәт бәхет-сәгадәтенә ирешергә насыйп итсен", - диде. Бу хакта Татарстан мөфтиятенең матбугат хезмәте хәбәр итә.


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе