Приморьеда 8 яшьлек кызны үтергән бәндә 24,5 елга ирегеннән мәхрүм ителде

2014 Фев 17

Приморьеда яшәүче бер бәндә 8 яшьлек баланы үтергән өчен 24,5 елга хөкем ителде, дип хәбәр итте "РИА Новости”.

2013 елның 19 февралендә икенче класс укучысы Настя Луцишина мәктәптән чыгып китеп, автобус тукталышына юнәлә. Анда ул әти-әнисе белән очрашырга тиеш була. Әмма ул тукталышка килми. Аннары аның әти-әнисе кызның югалуы турында полициягә хәбәр итә.

Кызның үле гәүдәсе Уссурийскидан 15 чакрымда юлдан якында гына карда табып алына.

 
Тиздән кызны үтерүдә шикләнелгән таксист тоткарлана. Аның сөйләвенчә, мәктәптән өенә кайтып барган кызны күреп ала ул. Таксист песине карарга дип, кызны машинага утырта.

Таксист Настяны шәһәрдән читкә алып чыга, көчләмәкче була. Аннары ул кызга пычак белән берничә тапкыр кадый. Кыз болар нәтиҗәсендә җан тәслим кыла.

Тикшеренүләр вакытында таксистның машинасында һәм фатирында аның бу җинаятькә катнашы булуы хакындагы дәлилләр табыла.

"Мәхкәмә 29 яшьлек Анатолий Трапконы 24,5 елга каты режимлы колониядә утыру масаты белән ирегеннән мәхрүм итте. Шулай ук суд аңа мораль зыянны каплар өчен үлгән кызның гаиләсенә 2 миллион сум акча түләргә хөкем итте”,-диде агентлык хәбәрчесе.