ХӘЛӘЛ ҮЗӘК - МӨСЕЛМАННАРГА ЗУР БҮЛӘК

Чаллы шәһәренең 27 нче бистәсендә Татарстанда беренче Хәләл үзәк эшли башлады. Биредә тәкъдим ителгән барлык продукция дә Татарстан Республикасы Диния нәзарәте каршындагы “Хәләл” стандарт комитетында сертификация үткән. Сәүдә үзәгендә хәләл продукция белән сату итәргә теләгән кешеләр өчен урын җитәрлек. Үзәкнең гомуми мәйданы 600 кв. метр. Әлегә 30 дан артык җитештерүче эшли. Алар өчен барлык уңайлыклар тудырылган: юыну, аш бүлмәләре, намаз уку урыны.

“Әле кайчан гына хәләл ризыклар сата торган бер кечкенә генә кибет, кафе ачылса да шатлана идек. Ә Хәләл сәүдә үзәге ачылу шәһәр мөселманнары өчен бик тә мөһим вакыйга. Биредән һәр әйберне шикләнмичә зур канәгатьлек белән аласың. Барсы да Татарстан мөселманнары Диния нәзарәте каршындагы “Хәләл” стандарт комитетында тикшерү үткән. Шундый зур, яңа эшне үз өстенә алып уңышлы башкарып чыгучы дин кардәшебезнең ошбу гамәлен мин зур батырлык дип атар идем”, - дип билгеләде Чаллы мөхтәсибе Әлфәс хәзрәт Гайфулла ачылыш тантанасында.

Үзәк ялсыз 8.00-20.00 кадәр эшли. Адресы: 27/09А ( “Сөембикә” мәчете янында). Тел. 89178585553; 8(8552) 451177
Чыганак: Диния нәзарәте матбугат хезмәте