Билгеле булганча, Татарстан мөселманнары Диния нәзарәте тарафыннан агымдагы ел ТРда "Коръән елы" дип игълан ителде. Моңа бәйле рәвештә, республика районнарда мөфтият мөхтәсибәтләрендә ел дәвамында Коръән укучылар бәйгеләре узды.
Бу бәйгеләрнең нәтиҗәсе булып республика конкурсы торачак. Ул Татарстан районнарындагы иң яхшы Коръән укучыларны җыячак.
Конкурс өч номинациядә уза. Алар Коръәннең утызынчы өлешенең яртысын, бу өлешне тулысынча белү, Коръәнне кагыйдәләр нигезендә, тәҗвид белән укуда ярышачаклар.
Жюрины РИУ карамагындагы Коръән - хафизлар әзерләү үзәге директоры Ибраһим Сабиров җитәкли. Бу хакта әлеге вузның матбугат хезмәте хәбәр итә.
Татар-ислам