Ислам динендәге солдатларны Корбан бәйрәменә җибәрәчәкләр

4 октябрьдә, Корбан бәйрәме көнендә, ислам динендәге Россия солдатларына беренче тапкыр махсус ял көннәре бирелә, дип хәбәр итте “Известия” газетасы.

Бу көнне каравылда яки хәрби кизүдә торучылар гына китә алмаячак.

РФ Хәрби Көчләренең Аллаһыга ышанган хәрбиләр белән эшләү идарәсе җитәкчесе Александр Суровцев билгеләп узганча, илнең Хәрби Көчләрендә Россия законнарына туры китереп, хәрбиләрнең вөҗдан ирегенә хокукы тормышка ашырыла.

Оборона министрлыгы мәгълүматларына караганда, мөселман хәрбиләренең корбан чалу, бәйрәм пылавы әзерләү, башка йолаларны үтәү өчен дә мөмкинлеге булачак.

Мондый тәҗрибә православие бәйрәмнәре вакытында да уздырыла.

Чыганак: “Татар-информ”