Илдар хәзрәт Баязитов: Без «Сөләйман»ны ташламыйбыз

Изге Рамазан аебыз тәмамланырга бер атнадан да кимрәк вакыт калып бара.

БӘЙЛЕ
2013 Авг 02
Изге Рамазан аебыз тәмамланырга бер атнадан да кимрәк вакыт калып бара. Бу чорда башкалабыз Казанда искә алырлык вакыйгалар шактый күп булды. Шуларның беренчесе Универсиада булса, мөселманнар өчен тәүгесе, иң мөһиме Коләхмәтев белән Серов урамнары чатында Күрмәүчеләр өчен тернәкләндерү үзәген ачу булгандыр, мөгаен.

 
Шулай да кайберәүләр әле лифтләрен дә куеп бетермәгәннәр, нигә ашыктылар икән дигән сорау белән дә мөрәҗәгать итәләр. Аннары бәгъзеләре Тернәкләндерү үзәге урнашкан "Сөләйман” мәчетенең киләсе язмышы белән дә кызыксыналар. Чынлап та шулай бит. Элек Левченко бистәсендә дини тормыш кайнап торды. Анда булган кешеләрнең фикеренчә, хәзер "Сөләйман”га йөрүчеләр азайган, дини тормыш сүлпәнләнеп калган.

 
Хәбәрчебез Хатыйп Гәрәй Татарстан мөфтие урынбасары, "Ярдәм” мәчете имам-хатибы Илдар хәзрәт Баязитов белән ифтардан соң очрашып, әнә шулар хакында сөйләште.

 
-Әйе, Тернәкләндерү үзәгенең эшләре бетмәгәнгә күрә, без башта аның ачылуын ашыктырырга теләмәгән идек,-дип башлады сүзен Илдар хәзрәт. Аннары ул болай дәвам итте: "Бәлки Рамазан гаете көнендә ачарбыз дигән фикерләребез дә бар иде. Аннары күңелебез Рамазан аенда ачсак, бәрәкәтлерәк булыр дип тойды. Шулай да яңа урынга кешеләр йөрерме дигән шикләнүләребез дә булмады түгел. "Ярдәм” мәчетенә беренче көннән үк халык ташкыны агылгач, дөрес уйлаганлыгыбызны аңладык. Ә мәчетебез искитмәле матур килеп чыккан. Урыны да уңайлы җирдә, нәкъ без теләгәнчә, без хыялланганча килеп чыкты. Хак Тәгалә Үзе безгә ул җирне бүлеп биргән диярсең. Моның өчен беренче Раббыбызга олуг рәхмәтләребезне белдерсәк, икенче итеп Татарстан җитәкчелегенә, Казан мэры Илсур Рәис улы Метшинга җылы хисләребезне әйтәбез. Ә "Сөләйман” мәчетенә килгәндә, без аны ташламыйбыз. Кыскача итеп әйткәндә, "Ярдәм” мәчете "Сөләйман” мәчетен ташламас, чөнки мөселман - мөселманга кардәш һәм бертуганыдай якын, кадерле.

Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе