“Татарстанның читтә яшәүче татарларга сәясәте дәвамлы булсын иде”

6-9 декабрьдә Казанда бишенче Бөтендөнья татар конгрессы корылтае узачак. Шул уңайдан билгеле татар-мөселманнарның фикерләрен тәкъдим итәбез. Түбән Новгород өлкәсенең милли-мәдәни мөхтәрияте рәисе, Диния нәзарәте җитәкчесе Гаяз хәзрәт Закиров Татар конгрессы сайтына белдергәнчә, моңа кадәр без Татарстанның ярдәмен тоеп яшәдек.

Татарстанның читтә яшәүче татарларга булган сәясәте дәвамлы булсын иде. Шулай да, Татарстан федераль дәрәҗәдә татарлар мәнфәгатен яклап, үзенең сүзен ныклырак әйтсен иде.

Аннары тагын шуны әйтәсе килә, кайбер төбәкләрдәге Татарстан вәкилләре милли оешмалар белән элемтә тотмый. Алар бары тик, сәяси һәм икътисади мәсьәләләр белән генә шөгыльләнәләр. Ә бит вәкиллек җирле татар оешмалары белән активрак эшләсә яхшы булыр иде.

Әлбәттә, төрле проблемалар туып тора, әмма без аларны кулдан килгәнчә хәл итергә тырышабыз”.

Татар-ислам