Татарстан Эчке эшләр министрлыгы бу көннәрдә үз хезмәткәрләрен мәчетләрне саклау эшеннән азат итәчәк

Бу көннәрдә Татарстан Эчке эшләр министрлыгы, республиканың мөселман руханилары лидерларына һөҗүм ителү сәбәпле, мәчет яннарына куелган постларны алачак. "Моның кирәге бетте”, - дип белдерде Татарстан эчке эшләр министры Артем Хохорин.
Шулай ук ул, Казандагы терактка бәйле рәвештә, күпләп кулга алынган шик астындагылар белән вакытлыча тоту изоляторлары тулган дигән ММЧда барлыкка килгән мәгълүматны кире какты. "Урыннар әле бар”, - диде ул.
Моннан тыш, Артем Хохорин бу җинаятьләрне тикшерүдә билгеле бер алга китешләр булуын хәбәр итте. "Кыска вакыт эчендә безнең бу җинаятьләрне чишүебездә ныклы ышаныч бар”, - дип белдерде ул.
Чыганак: "Татар-информ"