“Хәләл” комитеты тарафыннан сертификацияләнгән предприятиеләр исемлеге тулыландырылды

Татарстан мөселманнары Диния нәзарәте карамагындагы "Хәләл” стандарты комитеты тарафыннан сертификацияләнгән предприятиеләр реестры тулыландырылды.
Яңа предприятиеләр арасында Казанның ит ризыклары җитештерү белән шөгыльләнүче "Юлдаш” фирмасы һәм Яшел Үзән шәһәренең ипи һәм камыр ризыклары пешерүче "Кондитер” оешмасы бар.
Шулай ук сертификация вакыты чыккан предприятиеләр дә яңадан тикшерелгән. "Ставрополье бройлеры”, «Пятигорский», «Акашевская тавык фабрикасы» ширкәтләре, «Халитов», "Хисмәтуллин" шәхси предприятиеләре "Хәләл” стандарты буенча комитеттан һәм "Тест – Татарстан” үзәгеннән яңа сертификатлар алган.
Комитет сертификация вакыты чыккан, әмма яңадан тикшерү үтмәгән «Еманжелинск-икмәк”, «Лакомка», «Самараның икенче икмәк пешерү заводы», «Әл Бәрака» предприятиеләрен исемлектән төшереп калдырган дип хәбәр итте "Татар-информ".